e... kako je bilo, a?

mislin da odavno nije bilo ovako dobre mužike (fala gustafima), pisme, zabave, ludila. a maškare? uajme, puno dobrih, ča se tiče mene nije opće bitno koje je pobijedija, e... to čitajte u slobodnu. u mene gledajte litrate. za mene su svi pobjednici. dičji klaun i ekipa s ježinca. varoške ciganke i ribe. jema ih i još.  jerbo, kako se odlučit između plemena ča je prvo rvacko i onega ča je arivalo iz crne afrike, ivine kolekcije i ekipe iz posljednjeg trzaja itd. da sad ovod ne nabrajan sve, stvarno je bilo jako dobrih i to ćete sve vidit na litrate.

evo i mene na jedan litrat ča ga ne potpisujen. ka ča vidite pošlo mi je za rukon slikat se sa zvizdon večeri iz I. rvackog plemena (ekipa živi u kninu, a dalmatinci su, narafski, iz raznih dalmatinskih gradova i mista) i nije me bilo straj.

splićani i oni iz okolice splita te gosti krnjevala su na ovima ča ih potpisujen.

pronađite ih ovod, jema puno, pa ne moremo sve na blog, ali obećani komentari su tot, a isto tako fala van velika moji dragi splićani (a i ostali) ča ste pozirali. ča mi niste rekli aj kvragu ti i litrati, intit ću ti to škatule o' aparata u more, oću, jerbo san luda maškara ča beštima, tuče se, prdi i rutaje, vata ženske za čiče i čini sve monade ovega svita. ;) 

slike su van ludilo, a sam krnjeval je bija kako samo more bit u najluđi grad na svitu. svaki litrat ka i uvik morete uvećat klikon.

ajmo, ovod su linkovi:

http://www.flickr.com/photos/xvii_st3/sets/72157594547191974/

oli sa komentarima ovod:

http://www.flickr.com/photos/xvii_st3/sets/72157594547191974/detail/

oli ka slideshow (ovo van je najboje):

http://www.flickr.com/photos/xvii_st3/sets/72157594547191974/show/

a ča je bilo sa krnjon, a? e to van neću ovod reć, piše van o ispod litrati, pa pođite vižitat. ekola, gren ča leć, kasna je ura. fala XVII