e...

oni ča prate ovi blog o samih početaka će se sitit kako je ono notan tekst tići s doulosa.

jopet je u split arivala ploveća butiga o' libri. ovi put LOGOS II. i na ovu, narafski, rade judi iz cilega svita. web je:

www.mvlogos2.org

evo, jeman i nike litrate iz te vižite. brod je do 20. ovega miseca u split, vezan je na đigu u splitski porat, ulaznica je simboličnih 5 kuna. nije loše povirit, doma smo donili punu boršu libri, kartolini, CD-a, boršicu LOGOS II, kartunske obilježivače dokle se stiglo sa čitanjen. posebno mi je drago ča smo našli jedan ingleški rječnik znanstvenih pojmova. to će mi doć ka mali bog za posal. nije loše ni ča smo našli libar o impresionistima. za cilu tu hrpu libri/stvari ča je vidite na litrat doli zajedno sa 2 ulaznice smo potrošli 142 kn. isplati se, stvarno, e... :o)

a nima ti lipše vengo kad ti je na jedno misto puno tega ča voliš: SPLIT, MORE, LIBRI, BRODOVI.

kud ćeš bolje, a? litrate morete uvećat klikon na njih. jemate pozdrav!