još litrati: http://www.flickr.com/photos/xvii_st3/sets/72157600337477771/

litrati ka slide show: http://www.flickr.com/photos/xvii_st3/sets/72157600337477771/show/

e... šta dobroga činit u nedilju, a? ajmo ča krenit o' merjanskih vrata na spinutu, priko lubinovog porta, bena i instituta i doć do putokaza. sad ću van kazat jedan dil južne bande merjana. uspon počinje. guštajte i za veće kliknite!

redon:

pogled na plažu Kašuni (svit se i danas kupa, ali ne more se i banjat i činit ove litrate, e)

XVII by moj kumpanjo

samo slidite putokaze, nima straja za izgubit se, e... :o)

pogled na crikvicu sv. jere o' stražnje bande, riči jakše fiamenga, crikvica betlema (na ovi blog se već notavalo o ovin crikvicama, vidi desnu bandu bloga)

mome kumpanju fala i za ova dva litrata, dalje vas jopet vodin ja

di ćemo dalje, a? na makadam? a jok, gremo na vrj, e... jema još force, u mene i kumpanja zajedno oko 68 godin, ja skoro 34, kumpanjo 34 i još nešto sitno, to je 68, e... nismo još za škovace, gre se na vrj merjana :o). guštajte i dalje!

aha, evo se dobro vidi i marina u kaštela

aha, ovo je samo ukratko, jema se ovod šta penjat, skoro smo s litratima prid sam vrj, e...

još malo do vrja, poza tega učinite ove skale

i eto vas/nas, na vrju smo merjana! telegrin je tot!

pogled na spliska vrata, trobojnicu (nek se zna di smo i ko smo, e), acy i sustipan

pogled na porat, čiovo, grad, poljud i škver

narafski, fala kumpanju i za ovi litrat

gremo se sad kalat, jema dana, arivat ćemo ovod još koji put,e... doli vas jopet vodin ja, tj. moji litrati :o)

blizu zoološkog vrta je i jedan spomenik ča se našparta po splitu (prokurative, o' isprid teatra) 

spomenik Luki Botiću, e...

aha, jema tot i još nešto, ne moredu svi spomenici bit književnicima, evo i jedan jednemu prirodoslovcu

kojemu? lipo do zoološkog i istražit, e... u arhivi jema i jedan tekst kako je kuća di je zoološki bila restoran. ko je pratija, pratija je, a ko nije neka traži po šufitu, e... za one ča su prelini evo link.

nastavljamo sa kalavanjen

do crikvice sv. nikole

pisalo se i o njoj, vidite tagove na desnu bandu bloga. svima dragima (a i onima ča ih ne znan, ali su arivali ovod) ča trenutno tuku more želin da ih sv. nikola čuva. ovi moj kumpanjo je 4 puta oplovija svit i poza tega je zaključija da 5. put ne gre nigdi i da pinezi ne pizaju puno jerbo da ča će mu i svit i pinezi kad jema split, e... do kad će ga držat, ne znan, ali znan da jeman još lipih litrati, e...

dakle, lipi moji, ovo van je ti split, ti najlipši grad na svitu zaradi kojega se ostavljaju pinezi i svit

prva vidilica, je, dobro ste sinjali

e sad je moga kumpanja nazva jedan naš kumpanjo n. i čujen da me puno pozdravlja. ajde neka, baš lipo, drago mi je da je nosić mrvu manje u ariju, pozdravljan i ja tebe šjor. n. e i žaj mi je ča si mora čekat do trajekta i ča ti tega smišnoga maloga pasa nije tilo ukrcat u prvi vapor.

poslat ću puno pozdrava i jednoj šjori n. u nadi da je a. bolje.

a jeman i nike riči za još jednega n. koji kurjožasto svako malo dolazi ovod. gre ovako: da nisi bija pi*da, moga si danas skitat sa menon i j. po merjanu, a ovako gledaj litrate, e... ko ti je kriv.

uajme, evo i još n. koliko n. za gospu blaženu, a?

XVII (n.) by moj kumpanjo

aha, jema još, malome n. (nećaku o' j.) ćemo reć sritan ti mali 3. rođendan!

sad ćemo popit kavicu na prvu vidilicu i tot bacit ćakulicu. zaslužili smo mrvu odmora. :o)

poza tega gremo u grad, triba još svratit na đelato u kuću jelaska, e...

ekola, to je bilo jedno lipo pozapodne. jemate pozdrav!